地道广
而家D正宗广州人太少了，识讲地道广州话嘅人更加少，所以见到呢篇野觉得特别亲切.....好多人以为广东话就系广州话，不过我觉得咁讲实在太笼统 了，如果系广东人讲嘅就叫广东话，咁D潮州话、化州话算乜？.....而且广州话都好几个分支啦，所谓嘅地道广州话，应该系广府话。之前有个学者评价全国 各地嘅方言，认为广州话最容易学，不过就最难精，我好认同呢个，就算外省人系度大，都未必知道“几歹就几歹”嘅意思...好多时候，可以发现一D广州话嚟 源鸡肠..所以，广州话系有culture background先学得嚟嘅，最烦就见到D唔知边度嘅人系度大就以为自己广州话好劲，唔咸唔淡咁教坏人！
-----------------------------------------------------------------------------
巴 閉”嘅由來——“巴閉”來自廣州話，好耐好耐以前系學習自印度話，漢朝嘅時候廣洲已經同東南亞及中東等國家人民做生意， 啲印度商人好鬼嘈，成日叫：“BAPRE, BAPRE！”，呢句嘅意思系“我的天呀！”，於是廣州人就學佢地噉講，講下講下就變成今日嘅“巴閉”喇！
“混 吉”嘅由來——原來系因為以前嘅小型飯店，只要你去幫襯就會免費奉送一碗清湯，飯店每日所售嘅雞鴨鵝豬牛肉，都 系用呢一鍋水整熟既，所以湯入面有肉味，然後落一堆味精，就系一碗清湯啦！因為系清湯，所以入面乜料都冇，即系空空如也，香港人覺得“空”等於“凶”，所 以就改成“吉”，所以碗湯就叫做“吉水”。
當時，有好多窮人，入到飯店，一坐低，夥記就摞一碗“吉水”嚟，啲窮人一口氣飲完，靜雞雞就走咗去，因為呢碗湯系免費，所以飯店唔可以捉佢，所以夥記就叫呢種混騙嘅行為叫做“混吉”！
“杯 葛”嘅由來——其實，“杯葛”是英文 BOYCOTT 的譯音，意思即系“反抗和抵制”，唔講你唔知，此 BOYCOTT 原來系一個人名，佢全名叫做 Charles Cunningham Boycott，生於1832年，死於1897年，系北愛爾蘭一個惡漢，專替貴族大地主等收租，手段兇殘，專逼害那些窮困的佃戶，一遇到冇錢交租嘅，就會 諸多逼害。
於是，呢班佃戶一呼百應，聯合起來對付逼害者。杯葛打唔過佢地，惟有落荒而逃，自始面目無光，備受困擾痛苦而死。愛爾蘭佃戶今次打勝仗，轟動一時，影響很大。此後但凡抵制或斷絕關係，成為政治經濟鬥爭手段，就以此位愛爾蘭收租佬的姓氏命名，叫做“杯葛”也。
“大耳窿”嘅由來——原來開阜初，香港洋人印（度）人大集會，而放貴利嘅多數系“白頭摩 囉”，呢啲“摩囉差”戴白頭巾，所以人人都叫佢地做“白頭摩囉”。白頭摩羅扮相古怪，愛戴一隻大如銅元的耳環，所以耳朵要穿個耳洞，港人覺得可憎，稱佢哋為“大耳窿”。
不過，另有一說，當時放貴利，都系放小額款項如三幾毫紙畀勞苦大眾，為使人哋知到佢哋有錢借，就將一個銀元塞喺耳仔嘅耳窿，作為記號，令人認得。
“一蚊雞”嘅由來——原來我地所講嘅“一蚊雞”系與塘西風月扯上關係；話說去塘西召妓，初步手續先寫一張“花紙”，而格式亦有一定，先寫自己名號(以幾多自稱)，中間寫妓女名字，最後一行寫妓院名稱。
寫好之後，便交由酒樓雜役帶去妓院，那些阿姑接到“花紙”，便應召“出局”。妓女每次局票收一元，而省港人士向來稱妓女為“雞”，既然一元召得一“雞”，後來就索性稱一元做“一 蚊雞”。
順帶一提，這一元只是陪酒談笑而已，屬“體面上”的手續，如果飲客要有更進一步的行動，還要花很多很多錢，這“一蚊雞”只系美夢嘅開始！
“十 三點”嘅由來——“十三點”是上海市井俚語，因為解放之後大量上海人南移，才變成趣怪廣州話。“十三點”初時意謂“敲亂鐘”，原來舊時的時鐘，每逢一小時 便報時一次，例如下午四時，鐘擺便會敲響四下，五點敲五下，至多系十二點，也不過敲十二下，但居然敲出十三響，唔通有十三點不咩？當然系出咗問題，正如俗 語所講癲癲地！
所以，<<十三點>>就系代表人既性格<<癲癲地>>。
“丫嗚”嘅由來——有好長一段時間，廣東人已遺忘“丫嗚”這俗語，不過，大約是一九八五年林子祥所唱的《丫嗚婆》，重新使“丫嗚”流行了一陣子。
“丫嗚婆”，醜怪女人，因為“丫嗚”本身已經系怪物，而“丫嗚婆”當然系好極有限。其實，以前有個漢朝大將軍叫做劉胡，因為皮膚坳黑，所以叫呢個將軍做“坳胡”。蠻人非常害怕大將軍之武功，每遇小兒扭計哭啼，就索性拿這個惡人來嚇孩子們：
“劉胡來啦！”
“坳胡來啦！”
“丫胡婆來啦！”...
“丫胡公來啦！”
由此可見，“丫嗚”不算系甚麼怪物，只是個貌醜的黑炭頭將軍，後來才渲染成為鬼怪！
“捉 黃腳雞”嘅由來——原來呢個搞笑俗語系出自廣東的農村，農民養雞，專養雌雞而唔中意養雄雞，因為雌雞可以生雞蛋，所以價錢不錯。所以如果要拜神，當然先□ 雄雞黎拜，點捉雄雞？農民先將谷撒在門外，群雞就會“雞咁腳”嚟食谷，當班雌雞食緊穀嘅時候，班雄雞就“色心起”！懶得去食穀，一撲就撲上雌雞背上，交 配......
呢個時候，正系捉雄雞的最好時候，那色鬼當時並冇防範，農民捉住它的雞腳，咁就得啦！
雄雞的雙腳呈深蛋黃色，而雌雞就系淺黃色，所以很容易辨認！“捉黃腳雞”一詞就系咁樣來的，而且真系十分傳神！
“朱 義盛”嘅由來——“朱義盛”系“假 嘢”咁解。一八二四年佛山，該處有個叫朱義盛的人在“筷子路”開設“朱義盛號”店鋪，他發明用紫銅渡金，製成金飾，工藝很好，同真野差唔多，買唔起真金的 人，就來幫襯朱義盛了，因此“朱義盛”就成為“假野”的代名詞。後來呢位朱義盛在廣州開店，當時好多鄉下佬，落到廣洲亂咁洗錢，當錢用曬先記得要買金飾俾 老婆，最後就去幫櫬“朱義盛號”，居然可以瞞天過海，所以生意十分好，分店開了十多家，當時員工竟有九千人之
多！
因此“朱義盛”就漸漸變成“假野”的代名詞。
“放 飛機”嘅由來——何為放飛機呢？話說舊香港。有一日，就要上演飛機飛行。系香港有史以來第一次有飛機睇！仲要係部水上飛機添！全香港萬眾期待：有人要放飛 機睇啊！第一日到來，因為打風，冇得開，眾人失望而歸；第二日，天朗氣清，各人以為有嘢睇，點知個飛機師病咗，要推到第三日。而第三日呢，到部機個引擎出 事，修理唔到。跟住就——bye bye喇！
所以啲人就用放飛機嚟形容講咗去做，又唔做嘅人嘅行為嘞！ （來源尚待考證）
“心抱”嘅由來——“心抱”本字是“新婦”，解作兒媳婦，後“新婦”音變為sem1 pou5，因此改寫為“心抱”。
和“心抱”有關的詞語如“娶心抱”是指娶兒媳婦；“心抱茶”是指兒媳婦過門後奉給親友的茶：“飲心抱茶”除了字面的含義外，也比喻娶兒媳婦之意。
以前的人認為剛娶入門的媳婦和剛生下來的孩子，都要及早教導，故有“初歸心抱，落地孩兒”這一俗語流傳下來。
有一首名為“雞公仔”的廣東歌謠，歌詞雲：“雞公仔，尾彎彎，做人心抱甚艱難……。”這是一首民間流傳已久的歌謠，反映在舊社會家長制度
其實粵語用嚟鬧人嘅非粗口都有幾多詞咖，下面摘錄咗一少部分，不過你哋千其唔好亂咁用呢啲詞鬧人啊。
“茂理”——指傻傻地嘅人。
“木嘴”——同“茂理”其實差唔多意思，都系指一個人傻傻呆呆，不過木嘴側重于形容一個人嘅外表，而“茂理”側重于形容一個人的內在。
“粉腸”——“粉腸”系當你睇唔順一個人時用嚟形容佢嘅，意思都係話佢唔叻得去邊。
“頂你個肺”——處於粗口嘅邊界，意思同某一個粗口詞差唔多，不過語氣較輕。
“廢柴”——形容一個人系廢物。
“碌葛”——形容人好似粉葛一樣呆笨。
“水魚”——畀人揾笨嘅人。
“懵盛盛”、“戇居”——蒙查查
“賣剩蔗”、“蘿底橙”——大姑娘30幾歲都重未有如意郎君，噉就叫賣剩蔗、蘿底橙喇。
“收皮”、“收爹”——都有叫人收聲，滾開嘅意思。
“孤寒”——吝嗇,縮骨。
“拾嚇拾嚇”——“傻嚇傻嚇”，傻傻地。
“洗衫板”——唔使問都知道系形容身材差嘅女士啦。
“死蠢”——相信系人都知道系好唔耐煩噉鬧人地蠢啦。
“瘦骨仙”——形容人瘦骨嶙峋。
“騎咧”——形容古靈精怪嘅人。
“Call Lao Ye”——來自京劇“可惱也”，呢個詞大家都應該聽得唔少，系“豈有此理”嘅意思。
教住咁多先算嘞，費事你哋學壞。
歇後語欣賞
雞食放光草——心知肚明
山草藥——噏得就噏
繡花袋仔——人人啱
屎坑關刀——文（聞）唔得，武唔得
天堂尿壺——全神貫注
神台貓屎——神憎鬼厭
紅番排隊去洗手間——語無倫次（羽毛輪廁）
紅番排隊開大——倫敦（輪蹲）
表示“行、走”有幾種講法？
松：“松人”，走得開心，走得願意
撇：單用，一個“撇”字就可以表示“我走了”嘅意思，《大話西遊》裏面就系用呢個“撇”字表現唐僧講嘢嘅簡短。
猛：呢個字其實同個“撇”字完全一樣意思。
閃：如果自己話“閃開”，就有“逃走”嘅意思，如果人地叫你“閃開”，就有趕你走嘅意思。
糴：跑，見《半斤八兩》歌詞賞析
黑社會用語大觀園
此處雖然系介紹黑社會用語，但系絕冇粗口，請各位家長放心。本網站經過國家審核，系IA級，細路仔唔需要家長陪同都可以觀看。
開片：打群架 劈友：用刀斬人
撇：撤退 問候你：F*** YOU
只抽：單挑 群抽：集體打架
點相： 認人 點錯相：認錯人
雷氣：義氣 天文臺：哨崗
拆家/帶家： 分銷/運送白粉的人 大耳隆：放高利貸的人
著草：逃跑 僆（靚1）：馬仔、手下
架梁：中間人 出嚟行：出來混
25仔：內奸,臥底 叔父：（黑社會集團）大佬的兄弟
姑爺仔：專管拉皮條的,操縱女人賣淫的。如果姑爺子把自己的女也自己享用，則叫“老公”
放蛇：不是警方的放蛇,而是黑道的放蛇,就是晚上把蛇放你臥室,客廳
淋油：晚上在你家裏淋汽油,還把你門反鎖 冧友：殺人，與“劈友”相似
大圈：就是大陸過去的黑道
架部：場所。色情架部--色情場所
大檔：賭博的地方 粉檔：賣白粉的地方
魚蛋檔: 千其唔好以為系賣魚蛋嘅地方啊。真正意思應該系賣淫嘅地方
撈邊飯：做什麼行業，主要選擇有看場，販毒，操縱賣淫、軍火、賭場
蠱惑仔: 出來混的人
環頭: 地區
架撐：工具，指開片等時的工具，如槍，刀等
社團：梗唔系社會團體啦，而系黑社會團夥
駝地：保護費 班馬：唔系動物園嘅斑馬，而系請救兵.
堂口： 黑社會的“辦事處”
入杉： 坐牢
拋浪頭：嚇唬人，也就是“大”人
講數：談判
蒲頭：出現 收山：退休
安家費：贍養費，撫恤金
摣FIT人：負責人
皇氣：員警
起底：查清背景
有底：有案底
砌佢：打他
隊冧佢：幹掉他
啪丸：吃軟性毒品（膠囊狀）
啪粉：吸白粉
打針：注射毒品
針：線人
檔口：黑社會看的場，黑社會的經營場所
四四六六：清清楚楚